Starbucks 玻璃咖啡馬克杯
淘寶網店主送來另一款星巴克 Starbucks 475ml 玻璃咖啡杯(RMB29)，稱之為馬克杯應該是 Mug 的意思，報稱是德國訂制款式，杯面印著 “Starbucks Coffee”，它曾經在 starbucksstore.com (約 US$16.45) 出現過，正就是 “Bistro Double Wall Glass Mug with Logo by Starbucks Coffee”，不過己經在 Starbucks Store 落架了。同款雙層玻璃咖啡 Glass Mug，還有 Bodum 出品的同款設計供選擇。
Starbucks 星巴克玻璃咖啡馬克杯
- 物料：高硼硅玻璃
- 溫度：-20 至 150 度
- 工藝：純手工制作
- 容量：约 475ml
- 設計：雙層玻璃，隔熱保溫
使用新 Coffee Mug，搭配了元朗 Handy BB-Mart 店新上架的 Black & White Pure Milk (HK$13) 鮮牛奶，這款並不是日常所見的黑白淡奶，1 Litre 的包裝沒有使用到巴士德消毒法，而是利用超高溫消毒法（UHT Ultra-high-temp processing)，這兩款消毒法大家讀小學的時候都有熟讀過，後者可以保存半年時間，打開後還是需要放入冰箱保存。有興緻新買一盒牛奶來沖調，卻忘記替咖啡打奶泡了。
你這隻杯好靚。自小已經很喜愛glass mug, 因可清楚欣賞杯中物，也執著的從外國帶回我用了好幾年的玻璃有耳杯回來。
之前見你介紹過雙層玻璃杯，實是精美，認不住手亦網購了一對用作沖咖啡之用。呢隻有耳（手柄）之星巴克玻璃杯都很好看哩！
@von 不能再買杯了，依家攪到屋企好多杯了，嘻。
@Madge 係哎，這隻杯比起我早前介紹的雙層玻璃杯厚身，有耳仔除了飲用時方便之外，洗杯的時候有一個耳仔亦都無咁易撞爛 ( 我洗杯時”亨”爛左兩隻雙層玻璃杯了 )
TERE，我訂個對冇耳玻璃杯係運送途中都爛左，好在店家都負責任地補送番一隻俾我。不過我同你都一樣係洗杯時打爛左一隻。不過我家是用NESPRESSO機，所以我又入手左佢個隻玻璃杯用黎沖LUNGO用。雖然隻杯唔係貴，不過“亨”爛個陣都有點不捨哩。
@Madge 其實我收貨時都爛左隻杯，睇下 ( http://steply.com/photos/emj1vdi ) 店主好好人，睇完相二話不說地補了一個給我，所以我都會留意下佢有無新貨哩。不過洗杯亨爛就無野講囉，哈哈。
STARBREAK….哈哈。原來你都係同途中人，除了愛咖啡外，還鍾意打羽毛球添。
@Madge 每週都打… 羽毛球，哈，打左唔得閒沖咖啡啊
TERE,我逢星期二同六都打羽毛球GAME場，星期五晚就學波。沖咖啡就日日番工前係屋企沖定入保暖杯帶番公司飲。都OK架。
Tere, 你真是個 clock, mug crazy lover ! ^_^
還有相机，smartphone, 音響，食野，etc.
你真多才多藝！佩服！
@Debbie 你又成日行山影相，其實你嗜好都唔少，我係散錢買濕碎野多。
我都係 monk 衫尾跟人去玩。
你果啲不算係濕碎野哦 !
好少行山囉!
@Debbie 之前都有行，不過無寫落 blog … 因為又唔係介紹路線，所以費事令人見笑了
我亦好有興趣睇你個 blog, 跟你買野 ( 只買平的，貴的買不起), 如有机會，大家約埋一齊行山囉！ ^^